O pasado 16 de abril de 2024, publicouse no Boletín Oficial da Provincia da Coruña, a convocatoria das bolsas municipais de comedor para o curso 2024-2025, para o alumnado empadroado no termo municipal de A Coruña, e que vaian cursar 2º ciclo de educación infantil, primaria, ensinanza secundaria obrigatoria, bacharelato ou formación profesional nun centro de ensino con comedor autorizado do mesmo termo municipal. A asistencia ao comedor será obrigatoria durante todo o período lectivo (de setembro a xuño).
Prazo de presentación: do 17 de abril ao 8 de maio, ambos incluídos.
Toda a información da convocatoria pódese consultar:
Como xa informou o centro, as familias do Consello Escolar xunto coa ANPA solitamos unha valoración sobre a implantación do programa E-Dixgal no noso centro, agora que pasaron 4 anos desde o seu comenzo, e cando se plantexa a sús continuidade.Pensamos que é razonable ante un cambio tan drástico de metodoloxía de aprendizaxe valorar a súa implantación e funcionamento.
De aí a enquisa que fixeron chegar no día de hoxe ás familias, unha xenérica para todos os cursos e unha específica só para o alumnado de 6º de primaria.
O centro tamén puxo a disposición das familias a través da páxina web a información institucional da Xunta sobre o programa, mais desde a ANPA botamos en falta algo máis cercano e menos promocional, onde familias usuarias ou ex-usuarias podan explicar a súa experiencia, así como profesorado doutros centros onde se decidiu ou non traballar con esta plataforma e cómo foi a súa experiencia.
Por este motivo, e dada a pouca marxe que temos, decidimos xuntarnos mañá venres ás 18h na AVV de Labañou (detrás do centro de saúde) para poñer en común opinións e que as familias que descoñezan en qué consiste este sistema podan preguntar e informarse un pouco da implantación real nas aulas. Pensamos que é moi necesario valorar detidamente os pros e contras que aporta unha metodoloxía deste tipo na súa implantación real, xa que a formación dos nosos nenos e nenas vese directamente afectada.
Convidámosvos a todas a vir e participar aportando o voso coñecemento ou solventando as vosas dúbidas.
O venres 9 de febreiro suspéndese a actividade de patinaxe xa que o polideportivo permanecerá pechado por mor da instalación dunhas canastas ancladas. Polo tanto, e dado que o mércores 13 é non lectivo, a actividade retomarase o seguinte venres 16 de febreiro. Grazas pola vosa comprensión.
A meirande parte das prazas ofertadas están adscritas aos campamentos de Nadal que se realizarán nos centros cívicos municipais. Son un total de 525, destinadas a menores de 4 a 12 anos (nacidos/as entre o 01/01/2011 e o 31/12/2019).
Os campamentos terán lugar os días 22, 26, 27, 28 e 29 de decembro deste ano, así como os días 2, 3, 4 e 5 de xaneiro de 2024. Para participar nos campamentos terán preferencia as e os menores empadroados no Concello da Coruña. Ademais, ofertaranse prazas para menores con diversidade funcional en grao que non lles impida participar nas actividades de carácter grupal. A adxudicación vai por SORTEO (tendes toda a información sobre as bases e prazos na web do Concello, deixamos aquí e tamén abaixo abaixo a ligazón)
Está previsto un horario xeral de campamentos (10.00 a 14.00 horas), aínda que nalgúns centros tamén haberá un horario ampliado (9.00 a 14.30 horas). O prezo para as familias en horario xeral será de 26 euros; o do horario ampliado, de 32 euros.
Centros cívicos municipais só con horario xeral (10.00 a 14.00 h): Pescadores, San Pedro de Visma, Artesáns, Feáns, A Silva, Santa Lucía e Sagrada Familia.
Centros cívicos municipais con horario ampliado (9.00 a 14.30 h): Monelos, Monte Alto, Mesoiro, San Diego, Castrillón, Labañou, Os Rosales, Os Mallos, Elviña, Palavea, Cidade Vella, Eirís e Novoboandanza.
A preinscrición nos campamentos dos centros cívicos municipais poderase realizar os días 27, 28 e 29 de novembro, de dúas maneiras:
Preferentemente en liña a través do formulario dispoñible na web municipal de Servizos Sociais que estará aberto desde as 00.00 horas do día 27 de novembro ata as 23.59 horas do día 29 de novembro.
Por teléfono, no número 604 105 493 en horario de atención das 9.00 ás 20.00 horas ininterrompidamente.
‘Descubrindo o papel’: obradoiros creativos no Ágora e no Fórum: preinscripción o día 29 de novembro
En paralelo tamén se levarán a cabo os campamentos urbanos de Nadal que acollerán o Centro Sociocultural Ágora e o Fórum Metropolitano os días 22, 26, 27, 28 e 29 de decembro, así como os días 2, 3, 4 e 5 de xaneiro de 2024.
A inscrición será o día 29 de novembro, a través deste formulario, que tamén se pode atopar na páxina web de Cultura Coruña . A inscrición é directa ata cubrírense as prazas, e todo o proceso será telemático.
Está previsto un horario ordinario das 10.00 ás 14.00 horas, con cinco posibilidades de ampliación horaria, para conciliación familiar (8.30 a 14.00; 8.30 a 14.30; 9.00 a 14.00; 9.00 a 14.30; 10.00 a 14.30 h). Para activar algunha destas modalidades, é imprescindible que haxa un mínimo de dez participantes.
O prezo dos campamentos, con horario ordinario, será de 35 euros. No referente ás opcións con ampliación horaria, serán as seguintes:
Opción A (10.00 a 14.30 h): 38 euros
Opción B (9.00 a 14.00 h): 40 euros
Opción C (9.00 a 14.30 h): 42,50 euros
Opción D (8.30 a 14.00 h): 42,50 euros
Opción E (8.30 a 14.30 h): 45 euros
Podedes consultar toda a información ampliada na seguinte ligazón:
Agardamos que próximamente nos fagan chegar a información dos Campacoles de Nadal, que compartiremos aquí mesmo tan pronto como saibamos algo así que estade atent@s!
ACTUALIZACIÓN: Pasou esta proposta á fase final grazas aos vosos apoios.Agora temos q votar de novo para conseguir que se faga realidade e ter un barrio un pouco máis seguro para as nenas e nenos!
O martes 31 de outubro pola tarde teremos no barrio o tradicional magosto organizado pola asociación veciñal. Se o tempo respeta farase na praza de Náutica e senón no patio do cole, cedido pola dirección para poder celebrar a festa.
Desde a ANPA tamén colaboramos organizando unha procesión para anunciar a festa polas rúas cercanas, que partirá da verxa exterior do cole ás 19h (procurade estar algo antes, sobre 18.50h) e animámosvos a todas as familias a participar vindo disfrazadas e coas cabazas decoradas e iluminadas. Ademáis despois poderanse colocar para axudar a ambientar a festa.
CANDO? O martes 31 de outubro, a partir das 19h sale a procesión e sobre 19.30 dará comenzo a festa
ONDE? Na praza de Náutica, e en caso de choiva no patio cuberto do colexio.
Onte mércores moitas familias xuntámonos no patio do centro para decorar as cabazas de Samaín e foi un éxito a pesar da tarde chuviosa 🙂 Deixámosvos unha escolma de fotos da xornada.
Nota: Desde hoxe ata o martes poderedes levar as cabazas decoradas ao cole se aínda non o fixechedes, lembrade mandar veliña se queredes que as iluminen. O martes despois do magosto do cole os nenos e nenas poderán levalas de volta para casa.
Enviamos a convocatoria para a Asamblea Xeral Ordinaria de Socias e Socios da ANPA do CEIP de Prácticas, a cal terá lugar o vindeiro luns 6 de novembro ás 16.15 horas en primeira convocatoria e ás 16.30 horas en segunda convocatoria, no propio centro escolar.
A orde do día é a seguinte:
Presentación e aprobación de contas do curso 2022-2023.
Presuposto para o curso 2023-2024.
Proposta de cuotas para o vindeiro curso escolar, 2024-2025.
Programación de actividades do curso 2023-2024.
Modificación dos estatutos. (ACTUALIZADO)
Presentación e aprobación, se procede, da nova directiva.
ANPA CEIP de Prácticas A Coruña 