(Van en mallas, porque sí, porque lle presta. e non debería pasar NADA)
Este curso levouse a cabo unha renovación parcial das mesas e sillas de comedor, sustituíndo as vellas por unhas novas con bancos incorporados que se suben fácilmente para limpar e onde caben máis nenos e nenas e máis cómodamente. Para afrontar este gasto utilizouse a bolsa da Xunta para axudas de comedor, destinada a este tipo de melloras e que no pasado repartiuse entre as familias usuarias ao non ter inversións pendentes. Co sobrante (moi pouco) vanse mercar algúns materiais para o tempo de lecer de comedor (algúns xogos etc)
A día de hoxe conservanse 3 filas das mesas antigas somentes e a idea é utilizar parte da subvención o próximo curso para comprar as dúas mesas que faltarían. Deixámosvos unhas fotos para que vexades o chulo que quedou!
Onte malia o tempo reducido do que dispuxemos o obradoiro foi un éxito, agardamos que o pasarades tan ben coma nós! Deixámosvos unha escolma de fotos para que vexades aos artistas, grazas por vir compartir este anaco xuntas e grazas espcialmente ás persoas que viñéchedes adentar as castañas, con tanta colaboración e alegría as cousas fanse moito mellor 🙂
ACTUALIZACIÓN: Ante a previsión de auga o mércores 26, e debido a que os espazos cubertos do centro están ocupados con actividades, o obradoiro de cabazas dará comenzo ás 17h. Sen embargo, empezaremos adentar as castañas xa ás 16.15h, así que as nais e pais que podades vir antes animadevos e traede un coitelo 🌰
Este mércores 26 de outubro ás 16.15h faremos no patio do cole as cabazas para o magosto. Lembrade traer unha cabaza e o material q precisedes para decorala e logo compartiremos ideas e decoración! Se ides poñerlle vela traédea xa baleira da casa e coa veliña preparada, xa que ao rematar poderemos deixalas xa no centro.
Este ano ademais teremos actividade para os pais e nais, adentado das castañas para a festa do venres. Temos 40kg e precisamos cortalas, así que traede un coitelo e enerxías para colaborar e asegurar que a festa dos nenos e nenas sexa un éxito!
Boa tarde, familias!
Na xornada de hoxe, as familias asistentes, desfrutamos dun roteiro espectacular entre vellos muíños á beira do río. Grazas @s pequen@s da casa, que foron guiando a expedición a un ritmo incrible, decidimos aventurarnos a percorrer uns km extra para calmar as súas ansias de actividade na natureza.
Unha vez rematada a ruta, 6 km que souberon a pouco, recuperamos forzas nun pique-nique de petiscos varios.
Deixamosvos unhas fotos resumo da xornada e agardamos vervos na próxima!
Bo día, familias!
Recuperadas desta longa finde?
Continuando coa promoción de hábitos saudables, desde a ANPA, propoñémosvos a realización dun roteiro de sendeirismo, sinxelo, curtiño (4,5 km) e moi preto da casa: O Rego das Xesteiras en Celas de Peiro (Culleredo).
O próximo mércores, 12 de Outubro, algunhas familias, temos pensado xuntarnos para pasar un ratiño xuntas e desfrutar da natureza, así que, se gostades, estades todas convidadas.
A idea é vérmonos na Torre de Celas, ás 11:00 da mañá, e desde alí facer este fermoso percorrido á beira do río. Ao finalizar, as familias que queiran, comeremos no parque da Torre de Celas.
Así que, se estades interesadas…
PUNTO DE ENCONTRO: Torre de Celas (Celas de Peiro)
HORA: 11:00
QUÉ LEVAR? : Roupa e calzado cómodo + Auga + Algo para xantar (quen queira quedar).
Non é necesaria inscrición, con estar no punto de encontro á hora indicada é suficiente.
Un saúdo e vémonos no Monte!
* A ANPA non organiza a actividade, de xurdir algún problema, cada familia farase responsable dos seus membros.
Xa temos o cadro definitivo de actividades ofertadas polo momento. Se houbese novidades avisaríamos. A día de hoxe as actividades que NON sairon son:
O resto forman grupo, se ben nun par delas houbo que facer un pequeno axuste de cotas que vos será comunicado ás familias afectadas.
Mentres queden prazas nos grupos é posible anotarse a calquera actividade das que sairon a través do mesmo formulario que ata agora: https://forms.gle/dH1ecREXSyF4NgEM6. Polo de agora completáronse Baile e pandeireta e Música, as inscricións que cheguen irán a lista de agarda e avisarásevos de producirse algunha baixa.
No caso das da Federación (Baile moderno mini, Patinaxe todos os niveis, Manualidades 1º-3ºEP) enviando un correo a: inscripcionesprogramaslecer@fedapascoruna.org.
IMPORTANTE: No caso de DUATLÓN houbo un problema coas inscricións xa que o correo indicado estaba mal escrito. Desde o clube comunícannos que todos os nenos e nenas que estean interesados na actividade poden ir probar a primeira semana de outubro gratis, no grupo que lles corresponda. Para eso só é necesario enviar un email a: escuela@clubherculestermaria.es cos datos do neno/a (nome, apelidos e curso)
O cadro definitivo, a falta de confirmar os grupos de Duatlón, queda como segue:
Aquí podedes consultar e descargar o menú de comedor para o primeiro trimestre:
Descargar menú: Menú primeiro trimestre PDF
Boa noite, familias,
A falta dun par de semana para que comecen as actividades extraescolares queremos informarvos dunha novidade que, cremos, poderá ser de gran axuda para toda a comunidade educativa.
Seguramente teñades pola casa material deportivo do que vos queredes desfacer, kimonos que quedaron pequenos, patíns que xa non se usan, proteccións que quedaron ocupando sitio nun armario… E moi probablemente, haxa outras familias que precisan dese mesmo material.
Por ese motivo, desde a ANPA, queremos servir de ponte para poder darlle a ese material unha segunda vida.
Así que, se estás en algún destes casos, podes informar do material que queres doar ou que precisas cubrindo o seguinte formulario https://docs.google.com/forms/d/1SLX45fv61D7CU5NCuJdOOBDZrlzU7k7lZes1aliyt5E/edit
Agardamos que esta iniciativa sexa de utilidade para tod@s.
Un saúdo!
Actualización!
As actividades que aparecen ao final desta entrada son as que, a día de hoxe, xa teñen suficientes inscricións como para saír seguro. As que non aparecen non quere dicir que non vaian saír, xa que, aínda queda toda esta semana, ata o venres 23 a medianoite, para que a xente que non o fixo xa, poida inscribirse.
BULIDE QUE AS PRAZAS VOAN!
Como alguns xa sabedes, dun xeito un pouco fortuíto, chegou ata nós a oferta dunha actividade de maxia no centro e tivo unha moi boa acollida na xornada de portas abertas. Lamentamos non ter avisado con antelación porque sabemos que organizar os cadrantes de actividades en ocasións é complicado, pero se funciona ben outro ano a incluiremos no calendario inicial.
Os grupos posibles de maxia son luns ou martes de 17 a 18h (a escoller un), no centro escolar, e o prezo son 19€/mes 1 día/semana. A inscrición está aberta a todo o alumnado de 5ºEI en diante.
Por outro lado, e como finalmente teatro pola Federación de ANPAs non vai sair pero nos consta que hai un interese nela, contactamos con Jose Leis que xa fora profesor de teatro no centro hai uns anos e funcionaba moi ben. Neste caso a actividade ofértase tamén martes de 17 a 18h no centro para todo o alumnado de primaria e o custo serían 16€/mes 1 día/semana, pero dependendo do número de persoas anotadas pode ser menos.
INSCRICIÓNS E PRAZOS
Agardamos que as novidades sexan do voso agrado e lembramos que tendes para anotarvos nas actividades a través do formulario https://forms.gle/LWHfvn71nVgT4LAz9 ata este venres 23 ás 00h da noite, non vos despistedes! Xa podedes escoller a snovas actividades nel.
En canto ás actividades da Federación seguirán aceptando inscricións en lista de espera a través do seu formulario https://app.fedapascoruna.org/inscripcioncurso/2022 hoxe día 20 e mañá 21, por se se dera pechado algún dos grupos pendentes.
Ao longo da próxima semana confirmaremos como queda o calendario definitivo, polo de agora podemos confirmar que xa se forma grupo nas seguintes actividades:
ANPA CEIP de Prácticas A Coruña 