Aberta a convocatoria de bolsas de comedor para o curso 2023/24

O centro ven de publicar a informaicón relativa ás bolsas de comedor do concello para o próximo curso 2023-2024, tendes toda a información na web: http://www.edu.xunta.gal/centros/ceippracticascorunha/node/670 e pegamos aquí a continuación:

O 7 de marzo de 2023 publicouse no Boletín Oficial da Provincia da Coruña a convocatoria das bolsas municipais de comedor para o curso 2023-2024.

 Prazo de presentación: do 13 de marzo ao 12 de abril, ambos incluídos.

 Toda a información da convocatoria pódese consultar:

   –  na web municipal de servizos sociais

https://www.coruna.gal/servizossociais/gl/detalle-contido/bolsas-comedor-para-o-curso-escolar-2023-24/suceso/1453831862550?argIdioma=gl

   – na sede electrónica municipal

https://sede.coruna.gal/sede/es/tramites-y-servicios-electronicos/guia-de-procedimientos-y-servicios/detalle-de-procedimientos/becas-comedor/contenido/1453739229256?argIdioma=es

   – no teléfono 010 de información cidadán

NOTA: Entre outros requisitos para acceder á bolsa, a/o alumna/o solicitante deberá ter un DNI, NIE ou número de identificación fiscal válido. 

Advertisement

Info importante sobre a actividade de patinaxe

Como moitos de vos xa sabedes, a actividade de patinaxe desenvólvese no pavillón do Agra II, o cal alugamos a estos efectos cada curso. No pasado o custo de dito aluguer dividíase entre as familias usuarias para poder ter un lugar onde desenvolver a actividade pero os dous últimos cursos non se solicitou xa que cubriuse cunha subvención de Deportes da Deputación. Sen embargo este ano non contamos con ela, polo que deberemos afrontar este gasto e precisamos de novo a vosa colaboración para poder asumilo e seguir ofertando esta actividade.

Por este motivo vémonos obrigados a solicitarvos un pago único de 20€ por alumno/a inscrito en dita actividade, asumindo a propia ANPA os cartos restantes ata completar o importe do aluguer. Podedes facer directamente transferencia a nosa conta ES51 2100 6359 5102 0006 4623 (CaixaBank) e enviar un correo electrónico a anpa.practicas.corunha@gmail.com achegando o xustificante da transferencia bancaria para facilitarnos a tarefa.

O próximo curso plantexarase esto desde o comenzo para que xa se saiba no momento da inscrición.

Moitas grazas pola vosa comprensión e colaboración.

Saídas actividades extraescolares

Como xa sabedes, para sair do centro en horario escolar é precisa unha autorización expresa se non se trata dos proxenitores ou titores legais para a recollida. E o mesmo no caso de comedor, onde xa pide esta autorización escrita tamén.

No caso das actividades extraescolares esto funciona da mesma forma, se ben é certo que ao tratarse dun centro pequeno moitas veces non se cumplen os protocolos porque máis ou menos nos coñecemos todos. Pero a nosa obriga é cumplir os protocolos e por eso poñemos a vosa disposición un modelo de autorización que poderedes facer chegar ao monitor ou monitora da actividade en caso de precisar que vos recolla outra persoa ao menor, de maneira que eles queden eximidos de responsabilidade ante esta saída non ordinaria.

saida_menor_anpa_autorizacionDescarga\t

Menú 2° trimestre

MenuSegundoTrimestre.pdfDescarga\t

25N, paremos a violencia machista

(Van en mallas, porque sí, porque lle presta. e non debería pasar NADA)

Renovación mesas de comedor

Este curso levouse a cabo unha renovación parcial das mesas e sillas de comedor, sustituíndo as vellas por unhas novas con bancos incorporados que se suben fácilmente para limpar e onde caben máis nenos e nenas e máis cómodamente. Para afrontar este gasto utilizouse a bolsa da Xunta para axudas de comedor, destinada a este tipo de melloras e que no pasado repartiuse entre as familias usuarias ao non ter inversións pendentes. Co sobrante (moi pouco) vanse mercar algúns materiais para o tempo de lecer de comedor (algúns xogos etc)

A día de hoxe conservanse 3 filas das mesas antigas somentes e a idea é utilizar parte da subvención o próximo curso para comprar as dúas mesas que faltarían. Deixámosvos unhas fotos para que vexades o chulo que quedou!

Cabazas e castañas, listas para a festa!

Onte malia o tempo reducido do que dispuxemos o obradoiro foi un éxito, agardamos que o pasarades tan ben coma nós! Deixámosvos unha escolma de fotos para que vexades aos artistas, grazas por vir compartir este anaco xuntas e grazas espcialmente ás persoas que viñéchedes adentar as castañas, con tanta colaboración e alegría as cousas fanse moito mellor 🙂

Obradoiro de decoración de cabazas (e adentado das castañas!)

ACTUALIZACIÓN: Ante a previsión de auga o mércores 26, e debido a que os espazos cubertos do centro están ocupados con actividades, o obradoiro de cabazas dará comenzo ás 17h. Sen embargo, empezaremos adentar as castañas xa ás 16.15h, así que as nais e pais que podades vir antes animadevos e traede un coitelo 🌰

Este mércores 26 de outubro ás 16.15h faremos no patio do cole as cabazas para o magosto. Lembrade traer unha cabaza e o material q precisedes para decorala e logo compartiremos ideas e decoración! Se ides poñerlle vela traédea xa baleira da casa e coa veliña preparada, xa que ao rematar poderemos deixalas xa no centro.

Este ano ademais teremos actividade para os pais e nais, adentado das castañas para a festa do venres. Temos 40kg e precisamos cortalas, así que traede un coitelo e enerxías para colaborar e asegurar que a festa dos nenos e nenas sexa un éxito!

Rego das Xesteiras

Boa tarde, familias!

Na xornada de hoxe, as familias asistentes, desfrutamos dun roteiro espectacular entre vellos muíños á beira do río. Grazas @s pequen@s da casa, que foron guiando a expedición a un ritmo incrible, decidimos aventurarnos a percorrer uns km extra para calmar as súas ansias de actividade na natureza.

Unha vez rematada a ruta, 6 km que souberon a pouco, recuperamos forzas nun pique-nique de petiscos varios.

Deixamosvos unhas fotos resumo da xornada e agardamos vervos na próxima!

Roteiro sendeirismo

Bo día, familias!

Recuperadas desta longa finde?

Continuando coa promoción de hábitos saudables, desde a ANPA, propoñémosvos a realización dun roteiro de sendeirismo, sinxelo, curtiño (4,5 km) e moi preto da casa: O Rego das Xesteiras en Celas de Peiro (Culleredo).

O próximo mércores, 12 de Outubro, algunhas familias, temos pensado xuntarnos para pasar un ratiño xuntas e desfrutar da natureza, así que, se gostades, estades todas convidadas.

A idea é vérmonos na Torre de Celas, ás 11:00 da mañá, e desde alí facer este fermoso percorrido á beira do río. Ao finalizar, as familias que queiran, comeremos no parque da Torre de Celas.

Así que, se estades interesadas…

PUNTO DE ENCONTRO: Torre de Celas (Celas de Peiro)

HORA: 11:00

QUÉ LEVAR? : Roupa e calzado cómodo + Auga + Algo para xantar (quen queira quedar).

Non é necesaria inscrición, con estar no punto de encontro á hora indicada é suficiente.

Un saúdo e vémonos no Monte!

* A ANPA non organiza a actividade, de xurdir algún problema, cada familia farase responsable dos seus membros.